20. ‘Ou te loto ‘ina ‘ia ‘ou i ai ‘iā te ‘outou i ona po nei, ma tautala fa‘atatau atu, auā ‘ua fa‘alētonu lo‘u manatu ‘iā te ‘outou.
21. ‘Inā ta‘u mai ia ‘iā te a‘u ‘outou o ē fia nonofo i le tulafono, tou te lē fa‘alogo atu ‘ea i le tulafono?
22. Auā ‘ua tusia, sa ‘iā Aperaamo atali‘i e to‘alua, o le tasi na fānau mai i le fafine nofo pologa, a o le tasi i le fafine sa‘oloto.
23. ‘Ae peita‘i o le tama a le fafine nofo pologa, ‘ua fānau lea i la le tino; a o le tama a le fafine sa‘oloto, na fānau ia ‘ona o le mea na folafolaina.
24. ‘Ua fai ma mea fa‘atusa ia mea; auā o fafine nei o feagaiga e lua ia; o le tasi mai le mauga o Sinai, e fānau mai tama e fai ma pologa, o Akara lea.