1. ‘Ua o‘o i le taeao, ‘ona poloa‘i atu lea o Holofene i ana ‘au ‘ia latou ō a‘e i Paitulia.
2. Sa i ai o tagata tau e sāvavali e selau ma le luafulu o afe, a o ē ti‘eti‘e i solofanua e luafulu ma le lua o afe, ‘ae lē taulia o tagata tau na ‘avea fa‘atagataotau‘a ‘atoa ma taulele‘a uma na ‘aumai e ia a‘i itūmālō ‘ese‘ese.
3. Na latou sauniuni fa‘atasi uma i le tau‘a ma le fānauga a Isaraelu ma ‘ua latou sāvavali i le malifa o le mauga e o‘o i le tumutumu o mauga e i luga tonu o Totana, ‘ua tolauapi ai e āfua i le mea e igoa ‘iā Pelaima e o‘o atu i Kuamona, e fesagai lea ma Eserelona.