10. A o le fānauga a Isaraelu na ō ifo mai Paitulia ‘ua ō mai ‘iā te ia; ‘ua latou tatala ‘iā te ia ma ta‘ita‘i i Paitulia; ‘ua latou fa‘atūina o ia i totonu o le nu‘u ma ‘ua latou su‘esu‘e ‘iā te ia po o le a le ala na tu‘uina ai o ia o noatia e tagata Asuria.
11. O ona po ia sa fai ma ta‘imua o le ‘a‘ai o Usia, le atali‘i o Mika, a‘i le itū‘āiga o Simeona ma Karame, o Otinielu fo‘i lea.
12. O lenei ‘ua tala mai e Akiora, i luma o le ‘au toeaina ma le nu‘u ‘atoa, o ‘upu uma na fai lava e ia e tali atu ai i fesili a Holofene; pe fa‘apefea fo‘i ‘ona fia fasioti ‘iā te ia e le ‘au a Holofene ‘ona o le matā‘upu lea;