7. ‘Ua oso a‘e le lā, ‘ona latou fa‘atautau loa lea le ulu o Holofene i le pavali; ‘ona ta‘itasi lea o tagata ma tago i lona ‘au‘upega ma ‘ua latou ulufafo ma le pisapisaō tele ma le ‘alalaga.
8. ‘Ua iloa atu lea mea e tagata Asuria, ‘ona latou taufetuli ai lea i le fale ‘ie o Holofene.
9. A o i latou sa i le fale ‘ie ‘ua latou ō atu ma pisapisaō i luma o le faitoto‘a o le afeafe o Holofene i le fia fafagu ‘iā te ia, ‘ua latou saga fa‘atele le vāvāō, ‘ina ‘ia fāgua o Holofene i le pisapisaō ‘ae ‘aua le alu atu se tasi e fafagu ‘iā te ia.
10. Auā ‘ua fefefe uma i latou i tu‘itu‘i atu pe ulu atu i le afeafe o le ali‘i sili o le ‘au a Asuria.