17. Na ia ‘ofu i le amiotonu e pei se ufifatafata, sa i lona ao le puloutau o le olataga; na ia ‘ofu i ‘ofu o le taui ma sui e fai ma ‘ofu; na ia ‘ofu fo‘i i le mā‘elegā e pei se ‘ofu talaloa.
18. E pei o a latou amio e fa‘apea ‘ona taui mai e ia, o le to‘asā i ē ‘ua fai o ia mo latou fili, o le taui i ē ita ‘iā te ia; na te taui atu lava i nu‘u tu matāfaga.
19. E pau mai i sisifo, latou te matata‘u i le suafa o le ALI‘I; e pau mai fo‘i i le mea e alu a‘e ai le la, e matata‘u i latou i lona mamalu; a o‘o mai e pei se vaitafe lē ‘ua ita mai, ‘ona fa‘atūina lea o se tagavai e tete‘e atu ‘iā te ia e le Agaga o le ALI‘I.
20. E afio mai fo‘i le Fa‘aola i Siona, e afio mai fo‘i i ē liliu mai nai le solitulafono o lo‘o ‘iā Iakopo, ‘ua fetalai mai ai le ALI‘I.