1. Fa‘auta, e le‘i fa‘apu‘upu‘uina le ‘a‘ao o le ALI‘I, ‘ia lē mafa‘aola; e lē tutuli fo‘i ona taliga, ‘ia lē mafa‘afofoga.
2. ‘Ae peita‘i o a ‘outou amio leaga ‘ua fai ia ma pupuni i le vā o ‘outou ma lo ‘outou Atua, o a ‘outou agasala fo‘i ‘ua ‘alo ai ona fofoga ‘iā te ‘outou ‘ua ia lē fa‘afofoga mai ai.
3. Auā ‘ua leaga o ‘outou lima i le toto ma ‘outou tamatama‘i lima ‘ua leaga ia i le amio leaga; ‘ua tala pepelo o ‘outou laugutu, ‘ua tautala o ‘outou laulaufaiva i le mea fa‘api‘opi‘o.