6. O a‘u o le ALI‘I, na ‘ou vala‘auina oe i le amiotonu;‘ou te tāofimauina lou lima ma a‘u leoleo ‘iā te oe.‘Ou te avatua fo‘i oe e fai ma feagaiga a le nu‘u,o le malamalama o nu‘u ‘ese.
7. E fa‘apupula i mata o ē tauaso,e ‘aumaia i fafo nai le fale puipui lē ‘ua fusifusia,‘atoa ma ē ‘ua nonofo i le pogisā‘ia ‘aumaia i latou nai le fale ‘ua tāofiina ai.
8. O a‘u o le ALI‘I, o lo‘u igoa lea;o lo‘u mamalu fo‘i ‘ou te lē avatua lea i se tasima lo‘u vi‘iga ‘ou te lē avatua i tupua ‘ua ta.
9. O mea muamua, fa‘auta, ‘ua o‘o mai ia;o mea fou fo‘i o lo‘o ‘ou te ta‘uina atu;‘ua ‘ou fa‘ailoa atu ‘iā te ‘outou,a o le‘i tutupu mai.
10. Pepese ia i le ALI‘I i le pese fou,o lona vi‘iga mai le tulu‘iga o le lalolagi.‘Outou o ē ō ifo i le sami, ‘atoa ma ē o tumu ai;‘outou nu‘u tu matāfaga, ma ē o nonofo ai.
11. E leo tele mai le vao ma ona ‘a‘ai,o faoa ‘a‘ai e nofo ai Kitara.E ‘alalaga ē o nonofo i le papa;latou te fa‘ataiō mai tumutumu o mauga.
12. Latou te avatu le fa‘ane‘ene‘ega i le ALI‘I,ma latou ta‘u atu lona vi‘iga i nu‘u, tu matāfaga.
13. E afio atu le ALI‘I pei se toa,e pei o le tagata tau na te fa‘atupuina lona mā‘elegā;e ‘alaga o ia, e ū‘ū‘ū,na te manumālō i ē ‘ua ita ‘iā te ia.
14. ‘Ua fetalai mai le ALI‘I:‘Ua leva lo‘u fa‘alologo;‘ua ‘ou le gagana, ‘ua ‘ou ‘onosa‘i.‘Ou te uiō e pei o le fafine ‘ua fa‘atigā;‘ou te ga‘ega‘e ma ‘ou mapusela fa‘atasi.
15. E moana ‘iā te a‘u atu mauga ma mauga;e mamago ‘iā te a‘u o latou la‘au ‘aina uma lava.‘Ou te liua vaitafe ma nu‘u tuloto;‘ou te fa‘apa‘umatūina vailepa.
16. ‘Ou te ta‘ita‘iina ē ‘ua tauaso i le ala sa latou lē iloa;‘ou te ‘aumaia i latou i magāala sa latou lē iloa.‘Ou te liua le pouliuli i le malamalama i o latou luma,ma ala pi‘opi‘o e fai ma ala sa‘o.O mea lava ia ‘ou te faia ‘iā te i latou,‘ou te lē lafoa‘iina fo‘i i latou.
17. ‘Ua liutuaina i latou,‘ua matuā mamā ē ‘ua fa‘atuatua i tupua ‘ua ta,o ē ‘ua fai ane i tupua u‘amea,“O matou atua lava ‘outou.”
18. ‘Ua fetalai mai le ALI‘I:‘Outou o ē tutuli, ‘inā fa‘alogo mai ia;ma ‘outou ē ‘ua tauaso, ‘inā va‘ava‘ai ia ‘ina ‘ia iloa.
19. O ai ‘ea ‘ua tauaso,‘ua na o la‘u ‘au‘auna pe tutuli e pei o le sāvali na tu‘uina e a‘u?o ai ‘ea na tauaso e pei o lē ‘ua ‘ato‘atoa ‘ona lelei?pe tauaso e pei o le ‘au‘auna a le ALI‘I?
20. ‘Ua e va‘aia mea e tele,a ‘ua e lē ‘ana‘ana i aio lo‘o pūpū taliga, ‘ae lē fa‘alogo.
21. ‘Ua finagalo malie le ALI‘I ‘ona o lana amiotonu;na te ta‘uleleia le tulafono ma fa‘amamaluina ai.