10. Na a‘u fa‘apea ane, o le tautuluaga o lo‘u ola,‘ou te ulu atu ai i faitoto‘a o le tu‘ugamau,e ‘ave‘esea o‘u tausaga ‘ua totoe.
11. Na a‘u fa‘apea ane: ‘Ou te lē toe iloa le ALI‘I,o le ALI‘I lava, i le nu‘u o tagata ola;‘ou te lē toe va‘ava‘ai i tagata,fa‘atasi ma ē o nonofo i le lalolagi.
12. ‘Ua lia‘iina lo‘u fale,‘ua ‘ave‘eseina ‘iā te a‘u e pei o le fale ‘ie o le leoleo mamoe;‘ua ‘ou ta‘ata‘aia lo‘u ola e pei o lē laga ‘ie;‘ua na vavae‘eseina a‘u i pito manoa;o le aso e tasi ‘e te fa‘aumatia ai a‘u.
13. Na a‘u fīfīlemū se‘ia ao,‘ona ia momomo ai lea o o‘u ivi uma e pei o se leona;o le aso e tasi ‘e te fa‘aumatia ai a‘u.