2. ‘ona fa‘apotopoto fa‘atasi ai lea o i latou e tau ai le tau‘a ma Iosua ma Isaraelu; ‘ua loto gatasi.
3. ‘Ua fa‘alogo e na nonofo i Kipeona i mea ‘ua faia e Iosua i Ieriko ma Ai;
4. ‘ona latou fai togafiti fa‘a‘ole‘ole lea, ‘ua latou ō ma fa‘atagā tausavali; ‘ua latou fa‘ae‘e taga pala i luga o a latou asini, ma fagu uaina ‘ua pala, ma māsaesae, ma fusifusi;
5. o se‘evae pala fo‘i ‘ua fonofono i o latou vae, ma ‘ofu pala na latou ‘o‘ofu ai; o le areto uma fo‘i o lo latou oso ‘ua magumagu, ma momomo.
6. ‘Ona latou ō atu lea ‘iā Iosua i le toagalauapi i Kilikala, ma latou fai atu ‘iā te ia ma tagata o Isaraelu, “‘Ua matou ō mai nei mai le nu‘u mamao; o lenei, ‘ia tatou faia se feagaiga ma ‘outou.”