13. ‘Ona ui ane ai lea nai lea mea i sasa‘e i Kataferu, i Ita-kasena, ma alu atu i Rimonimetoara i Nea;
14. ‘ua fa‘ata‘amilomilo i ai le tuā‘oi i le itū i matū i Anatonu; a o lona gata‘aga o le vanu o Iefitaelu.
15. O Katata fo‘i, ma Naalolo, ma Semarona, ma Itala, ma Peteleema; o ‘a‘ai e sefulu ma le lua, ma o latou faoa ‘a‘ai.
16. O le tofi lea o le fānauga a Sepulona, e tusa ma o latou ‘āiga; o ‘a‘ai ia, ma o latou faoa ‘a‘ai.
17. ‘Ua maua e Isakara o le fa o tofi, mo le fānauga a Isakara, e tusa ma o latou ‘āiga.
18. O lo latou tuā‘oi fo‘i ‘ua feagai ma Isereelu, ma Kesulota, ma Sunema,
19. ma Afaraima, ma Seona, ma Anaarata,
20. ma Rapati, ma Kisoona, ma Apesa,
21. ma Remeta, ma Enekanima, ma Eneata, ma Petepasesa;
22. ‘ua o‘o atu fo‘i le tuā‘oi i Tapora, ma Saasuma, ma Petesemesa; a o lona gata‘aga o lo latou tuā‘oi o Ioritana lea; o ‘a‘ai e sefulu ma le ono ma o latou faoa ‘a‘ai.
23. O le tofi lea o le itū‘āiga o le fānauga a Isakara, e tusa ma o latou ‘āiga; o ‘a‘ai ma o latou faoa ‘a‘ai.
24. ‘Ua maua e le itū‘āiga o le fānauga a Asera le lima o tofi, e tusa ma o latou ‘āiga.
25. O lo latou tuā‘oi o Helekata, ma Ali, ma Petena, ma Akasafa,
26. ma Alameleka, ma Amata, ma Meseala; ‘ua o‘o atu fo‘i i Karamelu i sisifo, ma Seora-lipenata.
27. ‘Ona afe ai lea i le mea e alu a‘e ai le la i Petetakona, ma o‘o atu i Sepulona, ma le vanu o Iefita-elu i le itū i matū o Petemeka, ma Neieli, ma alu atu i Kapula i le itū tauagavale,
28. ma Eperona ma Reopa, ma Hamoni, ma Kana, e o‘o atu i Saitonu le sili;
29. ‘ona afe a‘i lea o le tuā‘oi i Rama e o‘o atu i le ‘a‘ai nofo ‘olo o Turo; ‘ua afe a‘i fo‘i le tuā‘oi i Osa; a o lona gata‘aga o le sami lea, ‘ua āfua mai i le itū e o‘o atu i Akasepa;
30. o Uma fo‘i, ma Afeka, ma Reopa; o ‘a‘ai e luafulu ma le lua, ma o latou faoa ‘a‘ai.