1. ‘Ua fa‘apotopotoina le fa‘apotopotoga uma o le fānauga a Isaraelu i Sailo, ‘ona fa‘atūina ai lea e i latou o le fale fetāfa‘i o le fa‘apotopotoga. ‘Ua to‘ilalo fo‘i le nu‘u ‘iā te i latou.
2. Na totoe i le fānauga a Isaraelu o itū‘āiga e fitu o ē na lē maua e i latou o latou tofi.
3. ‘Ona fai atu ai lea o Iosua i le fānauga a Isaraelu “Tou te fa‘avaivai se‘ia afea ‘ina ‘ua lē ō atu e fai mo ‘outou le nu‘u ‘ua foa‘iina atu ‘iā te ‘outou e le ALI‘I le Atua o ‘outou tamā.