11. “‘Ia ‘outou feoa‘i i le toagalauapi, ma fai atu i le nu‘u, ‘ia fa‘apea atu, ‘‘Inā sauniuni ia o a ‘outou oso, auā e toe aso tolu ‘ona ‘outou sopo‘ia atu ai lea o Ioritana nei, ma ō atu e fai mo ‘outou le nu‘u ‘ua foa‘iina mai e le ALI‘I lo ‘outou Atua ‘iā te ‘outou e fai mo ‘outou.’”
12. ‘Ona fai atu lea o Iosua i sa Reupenā, ma sa Katō, ma le tasi vaega o le itū‘āiga o Manase, ‘ua fa‘apea atu,
13. “‘Ia manatua le ‘upu na poloa‘i atu ai Mose le ‘au‘auna a le ALI‘I ‘iā te ‘outou, o lo‘o fa‘apea atu, ‘‘Ua avatua e le ALI‘I lo ‘outou Atua le mālōlōga ‘iā te ‘outou; ma ‘ua foa‘iina mai e ia lenei nu‘u ‘iā te ‘outou.’