11. E punitia e ia vaitafe ‘ia lē tulutulu ifo;na te ‘aumai fo‘i i le malamalama le mea sa lilo.
12. “A o le poto e maua lea ifea?Po o ifea fo‘i le mea o i ai le mafaufau?
13. E lē iloa e le tagata sona tau;e lē maua fo‘i i le nu‘u o tagata ola.
14. ‘Ua fai mai le moana; ‘E lē o i ai lea ‘iā te a‘u;’‘ua fai mai fo‘i le sami, ‘E lē o ‘iā te a‘u.’
15. E lē taulia i auro lelei,e lē fuatia atu fo‘i ario e fa‘atau ai.
16. E lē fa‘atatauina i auro mai Ofeira,po o le soama tāua, po o le safaira.
17. E lē fa‘atusatusa i ai auro ma ma‘a tioata;e lē fesuia‘iina fo‘i i teuga auro lelei.
18. E lē ta‘ua le ramuta ma le kapesa,auā a maua le poto e sili lea i penina.
19. E lē fa‘atusatusa i ai le topasi mai Kusa,e lē fa‘atatauina i auro lelei.
20. “O lenei, pe sau mai fea le poto?Po o ifea fo‘i le mea o i ai le mafaufau?
21. Auā ‘ua natia i mata o ē ola uma lava,‘ua lilo fo‘i i manu felelei.
22. ‘Ua fai mai le malaia ma le oti,‘‘Ua lagona e o mā taliga lona logo.’
23. “‘Ua silasila e le Atua le ala i ai,o ia lava ‘ua silafia le mea o i ai.
24. Auā o lo‘o silasila o ia i tulu‘iga o le lalolagi;o lo‘o silafia e ia mea uma i lalo o le lagi.
25. E fa‘amalosia e le Atua le malosi o le matagi,ma ia fuatia ai o vai e tele.
26. O ona po na ia faia le tulafono mo le timu,ma le ala mo le uila o le faititili.
27. Na silafia ai e ia ma na fa‘aalia mai ai;na ia saunia ma na su‘esu‘eina lava.