1. “Fa‘auta, ‘ua iloa e o‘u mata nei mea uma,‘ua fa‘alogo ai o‘u taliga ma lagona ai.
2. O mea ‘ua iloa e ‘outou, ‘ou te iloa fo‘i;‘ou te lē fa‘atauva‘a ‘iā te ‘outou.
3. ‘Ae peita‘i, ‘ou te fia tautala i Lē e ona le malosi uma lava,‘ou te loto lava ‘ina ‘ia ma filifili ma le Atua.
4. Auā ‘ua ‘outou fatu fua lava tala pepelo,o foma‘i lē aogā lava ‘outou uma.
5. E! ‘ana matuā fa‘alologo ‘outou,po ‘ua ‘avea lea ma poto ‘iā te ‘outou.
6. ‘Ia ‘outou fa‘alogologo mai lava i la‘u fa‘atonu atu,‘inā liliu mai o ‘outou taliga i a‘u finauga.
7. Tou te tautala ‘ea ma le lē tonu mo le Atua?tou te tautala fa‘a‘ole‘ole ‘ea mo ia?
8. Tou te fa‘ailogaina ‘ea o ia?tou te finau ‘ea mo le Atua?