65. ‘Ua ia fetalai atu fo‘i, “O le mea lea na ‘ou fai atu ai ‘iā te ‘outou, e lē mafai e se tasi ‘ona sau ‘iā te a‘u, pe a lē foa‘iina atu ai ‘iā te ia e lo‘u Tamā.”
66. Talu ai ‘ua ō ‘ese isi o ona so‘o e to‘atele i tua, ‘ae le‘i toe feoa‘i i latou ma ia.
67. ‘Ona fa‘apea atu lea o Iesu i le to‘asefulu ma le to‘alua, “Pe tou te fia ō ‘ese fo‘i?”
68. ‘Ona tali mai lea o Simona Peteru ‘iā te ia, “Le Ali‘i e, a matou ō ‘ea ‘iā te ai? O ‘iā te oe ‘upu o le ola e fa‘avavau.
69. ‘Ua matou talitonu, ma ‘ua matou iloa o oe o le Pa‘ia o le Atua.”