32. o lo‘o molimau le tasi ‘iā te a‘u, ‘ua ‘ou iloa fo‘i e moni le mau o lo‘o molimau ai o ia ‘iā te a‘u.
33. Na ‘outou ‘a‘auina atu nisi ‘iā Ioane, ‘ua molimau fo‘i o ia i le ‘upu moni.
34. ‘Ae lē aogā ‘iā te a‘u le molimau a tagata; peita‘i ‘ou te fai atu nei mea ‘iā te ‘outou ‘ina ‘ia fa‘aolaina ‘outou.
35. O le molī o ia, sa mumū ma pupula mai; sa ‘outou loto fo‘i i nai isi aso e ‘oli‘oli i lona malamalama.
36. A ‘ua ‘iā te a‘u le molimau e sili ‘iā Ioane; auā o galuega na tu‘uina mai ‘iā te a‘u e le Tamā ‘ia ‘ou fa‘aumaina, o galuega lava ia ‘ou te faia, e molimau mai ia ‘iā te a‘u ‘ua ‘auina mai a‘u e le Tamā.