44. ‘Ona alu ai lea i fafo o lē na oti, ‘ua fusifusia ona vae ma ona lima i ‘ie na tanuma‘i, ‘ua fusi fo‘i ona mata i le solosolo. ‘Ona fetalai atu lea o Iesu ‘iā te i latou, “Tatala ia ‘iā te ia, ‘inā tu‘u atu ia e alu.”
45. ‘Ona fa‘atuatua ai lea ‘iā te ia o Iutaia e to‘atele, o i latou ia na ō mai ‘iā Maria, ‘ina ‘ua latou va‘ai atu i mea ‘ua faia e Iesu.
46. A o isi o i latou, ‘ua latou ō atu i le ‘au faresaio, ma fa‘amatala atu ‘iā te i latou mea ‘ua faia e Iesu.