1. O ‘outou le fānauga a Peniamina e,‘ia ‘outou sōsōla nai totonu o Ierusalema.‘Ia ‘outou ilia le pū i Tikoa,ma fa‘atū le fa‘ailoga i luga o Peteakarema;auā o lo‘o fa‘asaga mai le malaiama le olopalaga e tele mai le itū i matū.
2. ‘Ou te fa‘aumatia le tama fafine a Siona,o lē ‘ua matagofie ma le fa‘apelepeleina.
3. E ō mai ‘iā te ia leoleo mamoe ma a latou lafu;latou te fa‘atūina o latou fale ‘ie e fa‘ata‘ali‘oli‘o ai ‘iā te ia;o mamoe latou te ta‘itasi ma ‘ai i le mea e nofo ai.
4. “‘Inā sauniuni ia e si‘i atu i ai le tau‘a;tula‘i ia, ‘inā tatou ō a‘e i le aoauli.”“‘Oi talofa ‘iā te i tatou! auā ‘ua fāliu le la,‘ua lafoia ata i le afiafi.”
5. “Tula‘i ia, ‘inā tatou ō a‘e i le poma tatou fa‘aumatia ona maota.”
6. Auā o lo‘o fa‘apea ‘ona fetalai mai o le ALI‘I o ‘au:‘Inā ta mai ia la‘au ma tanu ai le mea mauti‘eti‘e e tau ma Ierusalema;o le ‘a‘ai lea e fa‘asalaina;‘ua i totonu ‘iā te ia o sauāga uma.
7. E pei ‘ona puna mai o le punāvai lona suāvai,e fa‘apea ‘ona fa‘apunaia mai e ia o lona leaga;‘ua lagona i totonu ‘iā te ia le fa‘asauā ma le fa‘atafunaga;‘ua i ai pea i o‘u luma le ma‘i ma le manu‘a.
8. Ierusalema e, ‘ia e talia le a‘oa‘iga,‘ina ne‘i te‘a ‘ese lo‘u loto ‘iā te oe;‘ina ne‘i ‘ou faia oe ma fa‘atafunaga,o le nu‘u e lē ‘ainā.
9. ‘Ua fa‘apea ‘ona fetalai mai o le ALI‘I o ‘au:E fa‘apei ‘ona latou matuā a‘oa‘o i le vine,e fa‘apea fo‘i i ē o totoe i Isaraelu;‘inā toe tu‘u mai ia lou lima,e pei o lē ‘ua tau vine ‘ona toe tu‘u mai lona lima i ‘ato.
10. Po o ai ‘ea ‘ou te fai atu i ai ma a‘oa‘i atu i ai,‘ina ‘ia latou fa‘alogo mai?Fa‘auta, e le‘i peritomeina o latou taliga,e lē mafaia e i latou ‘ona fa‘alogo mai;fa‘auta, ‘ua fai le afioga a le ALI‘I ma mea e tauemu i ai i latou;‘ua latou le fiafia i ai.
11. O le mea lea ‘ua tumu ai a‘u i le to‘asā o le ALI‘I;‘ua ‘ou le lavā fa‘ato‘ato‘a.‘Ou te liligi ifo ai i luga o tamaiti i fafo,e fa‘atasi fo‘i ma le fa‘apotopotoga o taulele‘a;e maua fo‘i le tane ‘atoa ma lana avā,o le toeaina ‘atoa ma lē ‘ua tu‘u tulu‘i ona tausaga.
12. E ‘avea o latou fale mo nisi,‘atoa fo‘i ma fanua, ma avā;auā ‘ou te fa‘aloaloa lo‘u lima i luga o ē nonofo i le nu‘u,o lo‘o fetalai mai ai le ALI‘I.
13. Auā o latou tagatanu‘u ‘atoa ma o latou ali‘i‘ua matape‘ape‘a i ‘oloa i latou uma;o perofeta fo‘i ‘atoa ma ositaulaga ‘ua amio pepelo i latou uma.
14. ‘Ua latou fofō fa‘atauva‘a le manu‘a o le tama fafine a lo‘u nu‘u,‘ua fa‘apea ane, “E manuia, e manuia;”‘ae leai se manuia.
15. ‘Ua latou mamā ‘ea ‘ona o le mea ‘inosia ‘ua latou faia?‘Ua matuā le mamā lava i latou,‘ua latou lē iloa lava le māsiasi;o le mea lea e pa‘u‘ū ai i latou fa‘atasi ma ē ‘ua pa‘u‘ū;o ona po ‘ou te asiasi ai ‘iā te i latou, latou te tausuai ai,o lo‘o fetalai mai ai le ALI‘I.
16. O lo‘o fa‘apea ‘ona fetalai mai o le ALI‘I:‘Ia ‘outou tutū i ala ma va‘ava‘ai ma fesili i ala o le vavau,po o i fea le ala lelei ma ‘ia ‘outou sāvavali ai,‘ona maua lea e ‘outou o le mālōlōga mo ‘outou agaga.A ‘ua latou fai mai, “Matou te le sāvavali i ai.”
17. ‘Ua ‘ou tofia fo‘i tagata va‘ai mo ‘outou, o ē ‘ua fa‘apea mai,“‘Inā fa‘alogo ia i le leo o le pū.”A ‘ua latou fai mai, “Matou te lē fa‘alogo i ai.”