34. “‘Ua ‘aina a‘u,‘ua fa‘aumatia e Nepukanesa le tupu o Papelonia,‘ua faia a‘u e ia ma ipu e le i‘o,‘ua na foloina a‘u e pei o le tanimo,‘ua na fa‘atumuina lona manava i a‘u mea fa‘afiafia;‘ua na tulia lava a‘u.
35. E fai ane lē ‘ua nofo i Siona,O le sauāina o a‘u ma lo‘u tino ‘ia i luga o Papelonia lea.”E fai ane fo‘i Ierusalema,“‘Ia i luga o ē nonofo i Kaletaia lo‘u toto.”
36. O le mea lea o lo‘o fa‘apea ‘ona fetalai mai ai o le ALI‘I:Fa‘auta, ‘ou te faia lau finauga,‘ou te matuā taui fo‘i ma sui ‘ona o oe;‘Ou te fa‘amateina lona vaima fa‘amatūtūina lona vaipuna.
37. E fai fo‘i Papelonia ma faupuega ma‘a,o le mea e fale a‘i luko,o le mea fo‘i e ofo ai ma uisa ai,e leai fo‘i sē nofo ai.
38. Latou te fētāgisi fa‘atasi e pei o leona ta‘anoa,latou te leo tetele fo‘i e pei o tama‘i leona.