24. Fa‘auta mai, o mea mauti‘eti‘e, ‘ua o‘o mai lava i le ‘a‘ai e ā‘ea a‘i; ‘ua tu‘uina fo‘i le ‘a‘ai i lima o Kaletaia, o ē ‘ua fa‘asaga tau mai ai, auā o le pelu, ma le oge ma le fa‘ama‘i; o le mea lava na e fetalai ‘ua o‘o; fa‘auta mai fo‘i, ‘ua e silafia.
25. A o oe, le Ali‘i e, le ATUA, ‘ua e fetalai mai ‘iā te a‘u, “‘Ia e fa‘atau le fanua mo oe i tupe ma ‘a‘ami atu molimau;” a o le ‘a‘ai, ‘ua tu‘uina atu lea i lima o Kaletaia.
26. ‘Ona o‘o mai ai lea o le afioga a le ALI‘I ‘iā Ieremia, ‘ua fa‘apea mai:
27. Fa‘auta, o a‘u lava o le ALI‘I, o le Atua o tagata uma; pe faigatā ‘ea ‘iā te a‘u se mea e tasi?