11. ‘Ia fa‘apea ‘ona ‘outou fai atu ‘iā te i latou: O atua na lē faia le lagi ma le lalolagi, e fano i latou i le lalolagi ma lalo fo‘i o lenā lagi.
12. Na faia e ia le lalolagi i lona mana,na fa‘atumauina e ia le atu laulau i lona poto,na fofolaina fo‘i e ia le lagi i lona fa‘autauta.
13. ‘Ua tulei mai lona si‘ufofoga,‘ona tele ai lea o le vai i le lagi.E ‘ava‘e fo‘i e ia o le ‘ausa mai tulu‘iga o le lalolagi;e faia e ia le uila ‘atoa ma le ‘ua,e ‘aumaia fo‘i e ia le matagi mai ana mea e teu ai ‘oloa.
14. ‘Ua ta‘itasi ma valea tagata uma e leai so latou poto;‘ua ta‘itasi ma fa‘amāina fo‘i tufuga fai mea u‘amea ‘ona o le tupua ‘ua ta;auā o le mea pepelo lana tupua u‘amea,e leai fo‘i se mānava ‘iā te i latou.
15. E fa‘atauva‘a ia mea, o le galuega e tauemua;e fano lava i latou i ona po e tauia ai i latou.
16. E lē pei o ia mea le tofi o Iakopo;auā o ia lava na faia mea uma;o Isaraelu fo‘i o le to‘oto‘o lea o lona tofi;o le ALI‘I o ‘au o lona suafa lea.
17. ‘Inā fa‘apotopotoina ia o au mea mai le nu‘u, o oe na lē nofo i le ‘olo.
18. Auā o lo‘o fa‘apea ‘ona fetalai mai o le ALI‘I: Fa‘auta, o ona po nei lava, ‘ou te sasau ai i le ma‘atā e o nonofo i le nu‘u ma ‘ou si‘osi‘o ‘iā te i latou ‘ina ‘ia maua i latou.
19. ‘Oi talofa ‘iā te a‘u i lo‘u manu‘a;e matuā leaga lo‘u manu‘a;o a‘u fo‘i, na ‘ou fa‘apea ane,“E moni, o le puapuagā lava lenei,‘ae ‘ou te fa‘ato‘ato‘a pea i ai.”
20. ‘Ua fa‘atafunaina lo‘u fale ‘ie,‘ua motusia a‘u maea uma.‘Ua ō ‘ese la‘u fānau ‘iā te a‘u,o i latou fo‘i ‘ua leai.E leai fo‘i se tasi na te toe tōina lo‘u fale ‘iema ‘ava‘e o‘u ‘ie puipui.
21. Auā ‘ua vālelea le ‘au leoleo mamoe,ma latou le sā‘ili i le ALI‘I.O le mea lea e le manuia ai i latou,e fa‘ata‘ape‘apeina fo‘i la latou lafu mamoe uma.
22. O le logo o le tala, fa‘auta, ‘ua o‘o mai,o le vāvāō tele fo‘i mai le nu‘u i le itū i matū.E faia fo‘i ‘a‘ai o Iuta ma mea e fa‘atafunaina,o le mea e fale ‘ai luko.
23. Le ALI‘I e,‘ua ‘ou iloa e lē o i le tagata lona ala,e lē o i le tagata e savali ‘ona fa‘atonuina le mea e ui ai o ia.