1. O‘u uso e, ‘aua le to‘atele ‘outou e fai ma a‘oa‘o, ‘ina ‘ua tatou iloa e atili ai ‘ona fa‘asalaina o i tatou.
2. Auā o mea e tele e sesē ai i tatou uma; a lē sesē se tasi i le ‘upu, o le tagata lea ‘ua sao, na te mafaia fo‘i ‘ona tāofi i le tino uma.
3. Fa‘auta, ‘ua tatou avane fa‘agutu i gutu o solofanua, ‘ia latou usiusita‘i mai ‘iā te i tatou, ‘ua tatou liliu ai fo‘i o latou tino uma.
4. Fa‘auta mai fo‘i i va‘a, e ui lava ‘ona tetele, ma fa‘alelelea i matagi tetele, e liua i le foeuli itiiti lava i le mea e mana‘o i ai le tautai.