22. o le ‘au‘auna pe a pule o ia; ma le vale pe a mā‘ona o ia i mea e ‘ai;
23. o le fafine ‘inosia pe a nofo tane o ia;ma le ‘au‘auna fafine pe a tuli‘esea e ia lona matai fafine.
24. O mea e fa ‘ua laiti i le lalolagi, ‘ae sili ‘ona popoto o i latou;
25. o loi, o le nu‘u e le malolosi ia, ‘ae saunia e i latou a latou mea e ‘ai i le tausaga vevela.
26. O sefanai, o le nu‘u e le fitafitā ia, ‘ae fai i le papa o latou fale.
27. E leai se tupu i sē akerise, ‘ae ō atu i latou o vaevaeina uma lava a latou ‘au.
28. O le pili, e tago atu i ai le lima, e i ai fo‘i o ia i maota o tupu.
29. E tolu mea e matagofie ‘ona sāvavali; e fa fo‘i mea ‘ua o fa‘amatagofie;
30. o leona e malosi i manu vaefā; e le liliu fo‘i o ia i luma o se tasi;
31. o le solofanua, ma le ‘oti po‘a ma le tupu e leai sē tula‘i atu ‘iā te ia.