2. O le mata‘utia o le tupu e tusa lea ma le tagi o le leona ta‘anoa;o lē fa‘a‘ono‘ono ‘iā te ia, e agasala o ia ‘iā te ia lava.
3. E fai ma vi‘iga o le tagata, ‘ina ‘ua nofo sa‘o o ia e le fa‘amisa;a o vale uma, latou te fa‘atuputeleina.
4. E le suatia le ‘ele‘ele e le paiē, ‘ona o le tausaga ma‘alili;e ‘aisi o ia i le tausaga e selesele ai saito, ‘ae lē maua.
5. O le atamai i le loto o le tagata, o le vai loloto lea;a o le tagata fa‘autauta, na te utufia mai ai.
6. O le to‘atele o tagata, e ta‘itasi o i latou ma ‘alagaina lona agalelei;a o ai sē na te iloa se tagata fa‘amaoni?
7. E savali ma le tonu lē ‘ua amiotonu;e manuia lana fānau pe a mavae atu o ia.
8. O le tupu o lo‘o nofo i le nofoa fa‘amasino;na te fa‘ata‘apeina mea leaga uma i ona fofoga.
9. O ai ‘ea se fa‘apea, “‘Ua ‘ou fa‘amamāina lo‘u loto;‘ua te‘a a‘u ma a‘u agasala?”
10. O ma‘a ‘ese‘ese e fua a‘i, ma efa ‘ese‘ese,e fa‘atau ‘inosia ia mea e lua e le ALI‘I.
11. E mafai ‘ona iloa o le tama i lana amio;pe sao ‘ona lelei ma le tonu o lana mea e fai.
12. O taliga e fa‘alogo ai ma mata e va‘ai ai;o le ALI‘I o lē na faia ia mea e lua.
13. ‘Aua ‘e te naunau i le moe, ‘ina ne‘i fa‘amativaina ai oe;‘ia e mataala, ‘e te mā‘ona ai i le mea e ‘ai.