19. ‘Ua fa‘aali ‘upu fa‘alilo lē ‘ua fealua‘i ma fe‘ave‘avea‘i;o lea ‘aua ne‘i fefa‘auōa‘i ai ma lē ‘ua fa‘amaga pea ona laugutu.
20. O lē ‘ua fetu‘u i lona tamā ma lona tinā,e tineia lona lamepa i le pouliuli lava.
21. O le ‘oloa ‘ua maua fa‘ata‘alise i le amataga,e le manuia lea i le gata‘aga.
22. ‘Aua ‘e te fa‘apea ane, “‘Ou te taui atu i le leaga;”‘ia e fa‘atalitali i le ALI‘I, ‘ona fa‘aolaina lea o oe e ia.
23. E ‘inosia e le ALI‘I ma‘a ‘ese‘ese e fua a‘i;o fua fa‘atautau faimamago e lē lelei ia.
24. Mai le ALI‘I le mea e ui atu ai le tagata;o ai ‘ea le tagata na te iloa lona lava ala?
25. O le mailei o le tagata pe a tautala ta‘alise, “I le mea e fa‘asā;”a uma fo‘i ana tautoga, ‘ona su‘esu‘e ai lea e ia.
26. E fa‘ata‘ape‘apeina ē ‘ua agasala e le tupu poto;e ‘aumaia fo‘i e ia le mea fa‘ata‘avalevale i o latou luga.
27. O le mafaufau o le tagata o le lamepa lea a le ALI‘I;o lo‘o su‘esu‘e i mea uma i totonu o le loto.
28. O le alofa ma le fa‘amaoni, la te leoleoina le tupu;e fa‘atumauina lona nofoāli‘i i le alofa.
29. O le matagofie o taulele‘a, o lo latou malosi lea;o le mamalu fo‘i o toeaina, o le ulusinā lea.
30. O fa‘alavalava o le manu‘a e fa‘amamāina ai le leaga;e fa‘apea fo‘i ta i totonu o le loto.