1. O fua fa‘atautau faimamago e ‘inosia ia e le ALI‘I;a o le ma‘a e fua a‘i e ‘ato‘atoa, o lona lea fiafia.
2. A sau le fa‘amaualuga, ‘ona sau ai lea o le mā;a o i ai le poto i ē fa‘amaulalo.
3. O le amio sa‘o a ē ‘ua amiotonu e ta‘ita‘iina ai i latou;a o le fa‘api‘opi‘o o ē amioletonu e fano ai i latou.
4. E lē aogā le ‘oloa i le aso o le to‘asā;a o le amiotonu, e lavea‘i lea nai le oti.
5. O le amiotonu a lē ‘ua sa‘o e fa‘alauleleiina ai lona ala;a o lana amio leaga, e pa‘ū ai lē ‘ua amio leaga.