2. ‘Ina ‘ia iloa ai le poto ma ‘ia a‘oa‘oina;‘ia lagona ai ‘upu e atamai ai;
3. ‘ia maua ai le a‘oa‘oina i le poto ma le amiotonu,ma le fa‘amasinoga ma le amio sa‘o;
4. ‘ia avatu ai le fa‘autauta i ē faigofie;o le poto ma le mafaufau i le taule‘ale‘a.
5. E fa‘alogo mai le tagata poto, e tupu ai pea lona poto;o lē ‘ua mafaufau fo‘i e maua e ia le poto e pule ai;
6. e lagona ai le fa‘ata‘oto ma lona fa‘amatalaga;o ‘upu a ē popoto ma a latou ‘upu lilo.
7. O le mata‘u i le ALI‘I, o le amataga lea o le poto;‘ae ‘ino‘ino tagata vālelea i le poto ma le a‘oa‘oina.
8. Lo‘u atali‘i e,fa‘alogo mai ia i le a‘oa‘o atu a lou tamā;‘aua fo‘i ‘e te tu‘ulafoa‘iina le ‘upu a lou tinā;