34. ‘Ona laga po ai lea o Apimeleko ‘atoa ma le nu‘u uma ‘ua ‘iā te ia, ‘ua latou lalafi e latalata ane i Sekema o ‘au e fa.
35. ‘Ua alu atu fo‘i Kaala le atali‘i o Epeto, ‘ua tu fo‘i o ia i le puipui o le faitoto‘a o le ‘a‘ai; ‘ona laga mai ai lea o Apimeleko ma le nu‘u ‘ua ‘iā te ia sa lalafi.
36. ‘Ua iloa atu e Kaala le nu‘u, ‘ona fa‘apea atu ai lea o ia ‘iā Sepula, “Fa‘auta i le nu‘u ‘ua alu ifo i tumutumu o mauga,”‘Ona fai mai ai lea o Sepula ‘iā te ia, “‘Ua e iloa tau o ata o mauga a peiseaī ni tagata.”
37. ‘Ona toe fai atu ai lea o Kaala, ‘ua fa‘apea atu, “Fa‘auta, ‘ua ō ifo le nu‘u mai le mea maualuga i le nu‘u, ‘ua alu ane fo‘i le tasi ‘au i le aluna o i Meoneni.”