6. ‘Ona faia lea e le ALI‘I o lea mea i le aso taeao, ‘ua mamate ai o manu uma lava a Aikupito, ‘ae le‘i mate lava se manu e tasi a le fānauga a Isaraelu.
7. ‘Ona ‘auina atu lea e Farao, fa‘auta, e le‘i mate se manu a Isaraelu, ‘ua leai lava se tasi; a ‘ua ma‘a‘a pea lava le loto o Farao, e le‘i tu‘uina mai e ia o le nu‘u e ō.
8. ‘Ona fetalai mai lea o le ALI‘I ‘iā Mose ma Arona, “‘Ia fa‘atūtūmu ‘oulua lima uma i lefulefu mai le umu, ma ‘ia sa‘alu‘u solo ai i luga e Mose i luma o Farao.
9. ‘Ona liu efuefu nini‘i ai lea i le nu‘u uma lava o Aikupito, e ‘avea fo‘i i luga o tagata ‘atoa ma manu ma ma‘i fulafula e tupu ai le manunu i le nu‘u uma lava o Aikupito.”