15. ‘Ua fa‘alogo Farao i lenā mea, ‘ona fia fasioti lea o ia ‘iā Mose; ‘ona sola ‘ese lea o Mose ‘iā Farao, ‘ua nofo i le nu‘u o Mitiana; ‘ua ia nofo fo‘i i luga o le vai‘eli.
16. Sa i le ositaulaga i Mitiana o afafine e to‘afitu; na latou ō e utu ai vai, ‘ua fa‘atūtūmuina fo‘i o mea e inu ai e fa‘ainu ai le lafu mamoe o lo latou tamā;
17. A ‘ua ō mai leoleo mamoe, ma tutuli ‘iā te i latou; ‘ona tula‘i lea o Mose ma lavea‘i ‘iā te i latou, ma fa‘ainu lo latou lafu mamoe.
18. ‘Ua latou ō atu i lo latou tamā o Reuelu, ‘ona fai mai lea o ia, “Se a ‘ea le mea ‘ua ‘outou vave mai ai i lenei aso?”