13. Auā, e ui ‘ina ola pea i latou, e lē toe fo‘i le na fa‘atau atu i le mea na fa‘atauina; auā ‘ua fa‘asaga le fa‘aaliga i lona vao tagata uma, e lē toe fo‘i ia; e leai fo‘i sē na te fa‘amalosi ‘iā te ia i lana lava amio leaga.
14. ‘Ua latou ilia le pū ia sauniuni mea uma;‘ae leai sē alu atu i le tau‘a;auā ‘ua i ai lo‘u ita i luga o lona vao tagata uma.
15. O lo‘o i tuāpā le pelu, o lo‘o i totonu le fa‘ama‘i ma le oge;o lē ‘ua i le vao e oti i le pelu,o lē ‘ua i le ‘a‘ai e fano ia i le oge ma le fa‘ama‘i.