1. O i latou nei o tagata o le itū mālō na ō a‘e nai le tāfeaga, o le tāfeaga lea na ‘avea i Papelonia e Nepukanesa le tupu o Papelonia, na latou toe fo‘i mai fo‘i i Ierusalema ma Iuta, ta‘itasi le tagata ma lana ‘a‘ai.
2. O ē na ō mai fa‘atasi ma Serupapelu; o Iosua, o Neemia, o Seraia, o Reelaia, o Moretekai, o Pilesana, o Mesepara, o Pikevai, o Rekuma, o Paana.O le faitau aofa‘i o tagata o le nu‘u o Isaraelu:
21-35. O tagata o Peteleema, e to‘aselau e to‘aluafulu ma le to‘atolu.O tagata o Netopa, e to‘alimagafulu ma le to‘aono.O tagata o Anatota, e to‘aselau e to‘aluafulu ma le to‘avalu.O le fānauga a Asemau, e to‘afagafulu ma le to‘alua.O tagata o Kiriata-arima, o Kafira ma Perota, e fitu selau ma le to‘afagafulu ma le to‘atolu.O tagata o Rama ma Kipea, e to‘aono selau e to‘aluafulu ma le to‘atasi.O tagata o Mekemase, e to‘aselau e to‘aluafulu ma le to‘alua.O tagata o Peteli ma Ai, e to‘alua selau e to‘aluafulu ma le to‘atolu.O tagata o Nepo, e to‘alimagafulu ma le to‘alua.O tagata o Magapise, e to‘aselau e to‘alimagafulu ma le to‘aono.O le fānauga a le isi Elama, e to‘aafe e to‘alua selau e to‘alimagafulu ma le to‘afa,O le fānauga a Harima, e tolu selau ma le to‘aluafulu.O tagata o Loto ma Hatito ma Ono, e fitu selau e to‘aluafulu ma le to‘alima.O tagata o Ieriko, e tolu selau e fa sefulu ma le to‘alima.O tagata o Senaa, e tolu o afe ma le to‘aono selau ma le to‘atolugafulu.