10. ‘Ona alu lea o le fe‘au a Amasia le ositaulaga a Peteli ‘iā Ierepoamo le tupu o Isaraelu, ‘ua fa‘apea atu, “‘Ua fouvale Amosa ‘iā te oe i le ‘āiga o Isaraelu, ‘ua lē lavā ‘onosa‘i le nu‘u i ana ‘upu uma.
11. Auā ‘ua fa‘apea mai Amosa,‘E maliu Ierepoamo i le pelu,e matuā ta‘ita‘iina Isaraelu fa‘atagata o tau‘aa‘i lo latou lava lau‘ele‘ele.’”
12. ‘Ua fa‘apea mai fo‘i Amasia ‘iā Amosa, “Le tagata va‘ai e, alu ia, ‘inā sola oe i le nu‘u o Iuta ma e ‘ai i lea mea ma vavalo ai.
13. ‘Ae ‘aua ‘e te toe vavalo i Peteli; auā o le malumalu lea o le tupu, o le maota fo‘i o le tupu.”