21. ‘Ua ‘ou ‘ino‘ino, ‘ua leaga ‘iā te a‘u o ‘outou tausamiga; ‘ou te lē fiafia i o ‘outou fa‘apotopotoga.
22. E ui ‘ina ‘outou ‘aumai ‘iā te a‘u o taulaga mū, ma a ‘outou taulaga i mea e ‘ai, ‘ou te lē talia; o le taulaga fa‘afetai ‘iā ‘outou manu pepeti, ‘ou te lē va‘ai atu i ai.
23. ‘Ia e ‘ave ‘ese ‘iā te a‘u le ta‘alili o ou pese; o le leo mālie fo‘i o au napeli ‘ou te lē fa‘alogo ai.
24. A ‘ia tafe ifo le fa‘amasinoga e pei o vai ma le amiotonu e pei o le vai e tafe tetele lava.