22. ‘Ona alu atu lea o le fafine ma lona poto i le nu‘u uma; ‘ona latou vavae lea o le ulu o Sepa le atali‘i o Pikeri, ma lafo atu ‘iā Ioapo; ‘ona ili ai lea e ia o le pū, ‘ona latou ta‘ape‘ape ai lea nai le ‘a‘ai, ‘ua ta‘itasi ma alu i lona fale ‘ie, a o Ioapo, ‘ua fo‘i ia i Ierusalema i le tupu.
23. Sa pule Ioapo i ‘au uma lava a Isaraelu; a o Penaia le atali‘i o Ioiata sa pule o ia i le ‘au Kereti ma le ‘au Peleti;
24. o Aturamo sa pule o ia le taulaga ma Iosefatu le atali‘i o Ailuta, o le fātua‘iupu o ia;
25. o Seva o le tusi‘upu o ia; o Satoka ma Aviata, o ositaulaga i lā‘ua;
26. o Ira fo‘i le Iairo, sa fai ma faipule o ia a Tavita.#