1. ‘Ona fai ane lea o Aitofele ‘iā Apisaloma, “So‘u filifilia tagata e sefulu afe ma afe e lua, ma a‘u tula‘i atu ma tuliloa ‘iā Tavita i le po nanei;
2. ‘ona ‘ou o‘o atu lea ‘iā te ia manū o vaivai ma lē lavā o ia, ma ‘ou fa‘amata‘u ‘iā te ia; ‘ona sōsōla ai lea o le nu‘u uma ‘ua ‘iā te ia ‘ona ‘ou fasia lea na o le tupu lava.
3. ‘Ona a‘u fa‘afoisia mai lea o le nu‘u uma ‘iā te oe; o le tagata o lo‘o e sā‘ilia e peiseaī ‘ua fo‘i uma mai ai; o le nu‘u uma e filemū i latou.”