17. ‘Ua ta‘u mai ‘iā Tavita, ‘ona fa‘apotopoto lea e ia o Isaraelu uma, ma sopo‘ia atu Ioritana, ‘ua o‘o atu i Ailama. ‘Ona tofia lea e Suria o le tau‘a e fa‘asaga mai ‘iā Tavita ma ‘ua latou tau ma ia.
18. ‘Ua sōsōla Suria i luma o Isaraelu; ‘ua fasioti fo‘i e Tavita o Suria o ē tau i kariota e fitu selau, ma le fa sefulu o afe o ē ti‘eti‘e i solofanua, ‘atoa ma Sopaka le pule ‘iā latou ‘au, ‘ua ia fasi ‘iā te ia, ‘ua oti i lea mea.
19. ‘Ua iloa e tupu uma e na ‘au‘auna ‘iā Atatesa, ‘ua fasia i latou e Isaraelu, ‘ona fa‘alelei lea o i latou ma Isaraelu, ma ‘au‘auna i ai; ‘ua fefefe fo‘i Suria e toe fesoasoani i le fānauga a Amoni.