1. ‘Ua fa‘alogo le tupu fafine o Seepa i le tala ‘iā Solomona, ‘ona sau ai lea o ia i Ierusalema e tofotofo ‘iā Solomona i ‘upu faigatā, sa ‘iā te ia le ‘au malaga e matuā to‘atele ma kamela o ‘aumai ai mea manogi ma auro e matuā tele ma ma‘a tāua; na sau o ia ‘iā Solomona, ‘ona la tautalatala ai lea ma ia i mea uma na i ai i lona loto.
2. ‘Ua fa‘amatalaina atu fo‘i e Solomona ‘iā te ia o ana ‘upu uma; ‘ua leai se mea e lilo ‘iā Solomona na ia le ta‘u atu ‘iā te ia.
3. ‘Ua iloa e le tupu fafine o Seepa o le poto o Solomona ma le fale ‘ua na faia,