18. ‘ona ‘ou fa‘atumauina lea o le nofoāli‘i o lou mālō, e fa‘apei ‘ona mā osia le feagaiga ma lou tamā o Tavita, ‘ua fa‘apea atu, ‘E le motu lou gafa e pule ‘iā Isaraelu.’
19. “‘Ae ‘āfai tou te liliu ‘ese ma tu‘ua a‘u tulafono ma a‘u poloa‘iga, ‘ua ‘ou tu‘uina atu i o ‘outou luma, ma ‘outou ō atu ma ‘au‘auna atu i atua ‘ese ma ifo ‘iā te i latou;
20. ‘ona ‘ou lia‘iina atu lea o i latou a‘i lo‘u lau‘ele‘ele ‘ua ‘ou foa‘iina atu ‘iā te i latou; o lenei fale fo‘i, ‘ua ‘ou fa‘apa‘iaina mo lo‘u igoa, ‘ou te lafoa‘i atu ai i o‘u luma ma ‘ou faia ma ‘upu fa‘atusa ma tauemuga i nu‘u uma lava.