2. ‘Ua faia e ia le amiotonu i luma o le ALI‘I, a ‘ua lē faia ma le loto ‘ato‘atoa.
3. ‘Ua mau le mālō ‘iā te ia, ‘ona ia fasiotia lea o ana ‘au‘auna ē na fasioti i lona tamā o le tupu.
4. A ‘ua lē fasiotia a latou fānau, a ‘ua faia e pei ‘ona tusia i le tulafono i le tusi a Mose, na poloa‘i mai ai le ALI‘I, ‘ua fa‘apea mai, “‘Aua ne‘i fasiotia tamā e sui a‘i le fānau, ‘aua fo‘i ne‘i fasiotia le fānau e sui a‘i o latou tamā, a ‘ia ta‘itasi le tagata ma fasiotia o ia ‘ona o lana lava agasala.”