21. sa ia apoapoa‘i ma fa‘amalosi ‘iā te i latou ta‘ito‘atasi, i le gagana o lo latou nu‘u, o tumu lava ia i le poto; ‘ua na fa‘aopoopo le loto fa‘atamatane i ona manatu fa‘afafine,
22. o fai atu ‘iā te i latou, “‘Ou te lē iloa pe fa‘apefea ‘ona tutupu ‘outou i lo‘u manava; auā e lē o a‘u na tu‘u atu ‘iā te ‘outou le agaga ma le ola; e le‘i fa‘atasia lava e a‘u o ‘outou itūtino;
23. a o le Tupu‘aga lava ia o le lalolagi, ‘ua na fa‘atonutonuina le fānau mai o le tagata ma ‘ua pogai ‘iā te ia le tupu mai o mea uma lava, o ia na te toe foa‘i atu ‘iā te ‘outou, i lona agaalofa, le agaga ma le ola, ‘ona ‘ua ‘outou ta‘ufa‘atauva‘a nei ‘iā te ‘outou lava ‘ona o lana tulafono.”