23. ‘Ua ia faia fo‘i le vai ‘apamemea, e sefulu kupita lona fua, e āfua mai i le tasi itū o lona lau, e o‘o i le isi itū o lona lau; o le mea fa‘ata‘ali‘oli‘o lava; e lima kupita o lona maualuga; ‘ua fa‘ata‘ali‘oli‘oina i le fua e tolu sefulu ona kupita.
24. Sa i lalo fo‘i o lona lau o vine vao e fa‘ata‘ali‘oli‘o ai ‘ua so‘o ai lava, e ta‘isefulu i kupita; ‘ua fa‘ata‘ali‘oli‘oina le vai; ‘ua faia ō atu vine vao e lua ‘ina o faia ia.
25. ‘Ua fa‘ae‘e ai i luga o povi e sefulu ma le lua; ‘ua fa‘asaga le tolu i le itū i matū, ‘ua fa‘asaga le tolu i sisifo, ‘ua fa‘asaga le tolu i le itū i saute, ‘ua fa‘asaga fo‘i le tolu i sasa‘e; ‘ua i o latou luga le vai, o latou tua uma fo‘i na i totonu ia.
26. O lona mafiafia e tusa lea ma le lautele o le alofilima; ‘ua faia fo‘i lona lau e pei o le lau o se ipu, ‘ua fai ai fuga o le susana; o lona tumu fo‘i e lua afe o paita lea.