25. A ‘ua amio leaga Omeri i luma o le ALI‘I; ‘ua sili ‘ona leaga o ia ‘iā te i latou uma na muamua ‘iā te ia.
26. Auā na ia savali i le ala uma o Ierepoamo le atali‘i o Nepata ma lana agasala na ia fa‘atupu ai le agasala ‘iā Isaraelu i lo latou fa‘a‘ono‘ono atu i le ALI‘I le Atua o Isaraelu ‘iā latou mea fa‘atauva‘a.
27. O toe o mea na faia e Omeri ma lona fitafita sa fai, e le‘i tusia ‘ea ia i le tusi o tala i nofoa‘iga a tupu o Isaraelu?
28. ‘Ona ta‘oto lea o Omeri fa‘atasi ma ona tamā, ‘ua tanumia fo‘i o ia i Samaria; ‘ona soloa‘i ane lea o Aapo lona atali‘i e fai ma tupu.