8. ‘Ua tatou iloa lava o le mea lelei le tulafono, pe ‘āfai e faia e se tasi o mea e tatau i ai.
9. O lo‘o iloa lenei mea, ‘ua lē fa‘atūina mai le tulafono mo lē ‘ua amiotonu, a o ē fa‘alētaupulea ma ē soli i tulafono, o ē fa‘alēmata‘u ma ē agasala, o ē amio leaga ma ē ulavavale, o ē fasioti tamā ma ē fasioti tinā, o ē fasioti tagata,
10. o ē faita‘aga, o ē fa‘asotoma, o ē gaoi tagata, o ē tala pepelo, o ē tautō pepelo; ma isi lava mea e fa‘atu‘i‘ese ai i le matā‘upu e ola ai.
11. E tusa ma le tala lelei silisili a le Atua manuia, ‘ua tu‘uina mai ‘iā te a‘u.
12. ‘Ou te fa‘afetai atu fo‘i ‘iā Keriso Iesu lo tatou Ali‘i, o lē na fa‘amalosia a‘u, na ‘ia manatu ‘ua fa‘amaoni a‘u, i lona tofia o a‘u i lana galuega.