10. ‘Ona ta‘u atu lea e Samuelu o ‘upu uma a le ALI‘I i le nu‘u na fa‘atoga mai ‘iā te ia i se tupu;
11. ‘ua fai atu, “O lenei le amioga a le tupu o le a pule ‘iā te ‘outou; o ‘outou atali‘i e ‘avea i latou e ia e fai mōna i ona kariota, e fai fo‘i māna ‘au e ti‘eti‘e i solofanua; latou te taufetuli fo‘i i luma o ona kariota.
12. E tofi fo‘i e ia ‘iā te i latou e pule i ‘au e ta‘ito‘aafe ma pule i ‘au e ta‘ito‘alimagafulu; ma ‘ia suatia lona fanua, ma selesele i lana seleselegāsaito; latou te gaosi fo‘i ana ‘au‘upega o le tau‘a, ma mea e teu ai ona kariota.
13. O ‘outou afafine fo‘i, e ‘ave ai latou e ia e fai mea manogi, e fai umu ma fai areto.
14. O ‘outou fanua fo‘i ma ‘outou tōvine, ma ‘outou tōolive e sili ‘ona lelei, e ‘ave e ia, ma foa‘i atu i ana ‘au‘auna.
15. O a ‘outou fua ma ‘outou tōvine, e ‘ave mea e sefulua‘i ma foa‘i atu i ana ‘au‘auna sili ma ana ‘au‘auna.