5. ‘Ua o‘o atu le ‘atola‘au o le feagaiga a le ALI‘I i le togālauapi, ‘ona ‘alalaga ai lea o Isaraelu uma ma le ‘alaga tele, ‘ua u ai le ‘ele‘ele.
6. ‘Ua lagona e Filisitia le ta‘alili o le ‘alaga, ‘ona fai ane lea, “Se a lenā ‘alaga tele ‘ua ta‘alili mai i le togālauapi a Eperu?” ‘Ona latou iloa lea o le ‘atola‘au a le ALI‘I ‘ua ‘aumai i le togālauapi.
7. ‘Ua fefefe fo‘i Filisitia, auā ‘ua fa‘apea i latou, “‘Ua o‘o ane le Atua i le togālauapi;” ‘ua latou fai ane fo‘i, “O i talofa ‘iā te i tatou, auā e le‘i fa‘apea anamua.
8. O i talofa ‘iā te i tatou, o ai sē lavea‘i ‘iā te i tatou a‘i lima o ia atua mamana? O atua ia na latou fasia Aikupito i fasiga uma i le vao.