5. ‘Ona momo‘e atu ai lea o ia ‘iā Eli, ma na fai atu ai, “O a‘u lenei, auā na e vala‘au atu ‘iā te a‘u.”A ‘ua fai mai o ia, “‘Ou te le‘i vala‘au; fo‘i ia, ‘inā ta‘oto.” ‘Ona alu atu lea o ia, ‘ua ta‘oto.
6. ‘Ua toe vala‘au fa‘alua le ALI‘I, “Samuelu e!” ‘Ona tula‘i lea o Samuelu, ‘ua alu atu ‘iā Eli, ‘ua fai atu ai, “O a‘u lenei, auā na e vala‘au atu ‘iā te a‘u.”‘Ua fai mai o ia, “Tā e, ‘ou te le‘i vala‘au atu; fo‘i ia, ‘inā ta‘oto.”
7. A o Samuelu e le‘i o‘o ‘inā iloa e ia le ALI‘I, e le‘i fa‘aalia fo‘i ‘iā te ia le afioga a le ALI‘I.