40. ‘Ona tu‘u atu lea e Ionatana o ana ‘au‘upega i le tama sa ‘iā te ia, ‘ua fai atu ‘iā te ia, “Alu ia, ‘inā avatu nei mea i le ‘a‘ai.”
41. ‘Ua alu le tama, ‘ona tula‘i lea o Tavita nai le itū i saute, ‘ua fa‘apa‘ū i le ‘ele‘ele, ‘ua ifo fa‘atolu, ‘ua feasogi fo‘i i lā‘ua, ma fētāgisi i lā‘ua, ‘ua o‘o ‘ina fa‘asili lo Tavita,
42. ‘Ona fai mai lea o Ionatana ‘iā Tavita, “Alu ia ma le manuia, auā ‘ua tautō i tā‘ua ma a‘u i le suafa o le ALI‘I, ‘ua fa‘apea, ‘‘Ia i ai le ALI‘I i le vā o a‘u ma oe, i le vā fo‘i o la‘u fānau ma lau fānau e fa‘avavau.’” ‘Ona tula‘i lea o ia ma alu ‘ese, ‘ae alu Ionatana i le ‘a‘ai.#