45. ‘Ona fai atu lea o le nu‘u ‘iā Saulo, “E maliu ‘ea Ionatana na na faia lenei fa‘aolataga tele mo Isaraelu? ‘Ia mamao lava; o lo‘o soifua le ALI‘I, e lē pa‘ū i le ‘ele‘ele se lau ao o lona ao, auā na galulue fa‘atasi o ia ma le Atua i lenei aso.” ‘Ua lavea‘i le nu‘u ‘iā Ionatana, ‘ia lē oti o ia.
46. ‘Ona alu a‘e lea o Saulo, ‘ua lē toe tuliloa ‘iā Filisitia; ‘ua ō fo‘i Filisitia i o latou nu‘u.
47. ‘Ua faia e Saulo le mālō o Isaraelu; ‘ua tau fo‘i o ia ma ē na ita mai uma lava i itū uma o Moapi, ma le fānauga a Amoni, ma Etoma, ma tupu o Sopa, ma Filisitia; o nu‘u uma na ia fa‘asaga atu i ai, ‘ua manumālō ai o ia.