1. O Peteru, o le ‘aposetolo a Iesu Keriso, o la‘u tusi lenei i ē ‘ua āumau, ma ‘ua fa‘ata‘ape‘apeina i Pono, ma Kalatia, ma Kapatokia, ma Asia, ma Pitunia.
2. O ē ‘ua filifilia e tusa mōna mua‘i silafia e le Atua le Tamā, i le fa‘apa‘iaina e le Agaga, ‘ia i‘u ai i le gaua‘i ma le sa‘alu‘uga o le toto o Iesu Keriso.‘Ia fa‘ateleina ‘iā te ‘outou le alofa tunoa ma le manuia.
3. ‘Ia fa‘afetaia le Atua, le Tamā o lo tatou Ali‘i o Iesu Keriso, o lē na fānaufouina i tatou ‘ona o lona alofa tele, ‘ina ‘ia i‘u i le fa‘amoemoe ‘ua ola, i le toetū mai o Iesu Keriso nai ē ‘ua oti.